執圖...... 好易？

早前，有朋友睇完我個blog，
問我做乜成日都貼呢Ｄ圖出來，
我問返佢轉頭，點解佢覺得唔應該貼，
原來佢覺得只係執走Ｄ字，應該好簡單，
只係click幾個掣就搞掂，唔值得分享。

我話俾你知，錯呀！

如果真係click幾個掣就好喇，
我執呢類圖，每次都係要憑空想像文字下面的圖是怎樣，
然後逐筆逐筆，慢慢畫出來，絕對唔係click幾個掣呀！

就以今次呢張圖為例，大家先看看下方的原圖，
粉紅色頭髮個女仔隻右手，被個「回」字遮住晒，
但完成品就有齊晒咁多隻手指，點整出來？
就係要根據左手，逐隻手指慢慢畫出來～

而家聽完我講，仲覺得易唔易？

0125李卓庭Eunix屯門市廣場新年倒數活動

年三十晚，晚上十時三十分，李卓庭Eunix在屯門市廣場，
出席了一個名為「金銀滿屋迎新春」的倒數活動。

當晚出席的藝人除了李卓庭之外，
還有Mister、葉宇澄，以及來自台灣組合Ｆ４的言承旭！

卓庭妹妹為大家高歌一曲《失眠幻想曲》。

唱完之後，例牌要跟司儀吹吹水。

司儀：「農曆年有無行花市？」
卓庭：「想，不過未去，我遲Ｄ抽時間去行下。」
司儀：「出年先啦，今年完左喇喎......」
卓庭：「下？orz」

然後，卓庭妹妹與一位彩色字畫師傅一齊寫揮春。

完成！

接下來的活動，就係請來一位外藉人仕扮財神，
然後玩超級無敵估歌仔，叫財神負責唱歌。

財神：「鵝悶試好噴幼～ (我們是好朋友～)」

玩完遊戲，來一張大合照吧～

既然是農曆新年，當然要例牌做一個拜年手勢啦～

由於我約了屋企人，所以打算離開，
可是，正當準備離開時，在後台見到卓庭妹妹做訪問。

機不可失，當然要拍拍照吧！

做完訪問，襯無乜人發現到佢，
於是同佢吹吹水，講講近況。

可是，吹唔夠幾句，
很快就有其他人發現到佢。

於是佢又要忙於簽名......

影合照.......

與此同時，屋企人打電話催我喇，
咁算啦！下次再同妳傾過啦，拜拜～

臨走時，正好見到今次活動的重點嘉賓－－言承旭在台上獻唱～

 

 

高官，不知所謂.......

公務員在工作時間以外的娛樂活動，
竟然唔可以俾人知，否則會影響部門形象，
這是甚麼不知所謂的道理？

工餘時間做任何娛樂活動，
都是天經地義，大條道理的，
可是竟然有些高官怕市民知道後會投訴，
怕？怕甚麼？誰膽敢投訴，我反罵他一個狗血淋頭呀！

道理在自己，卻怕被人無理取鬧，
真是他媽的弱勢政府.......

難怪政府經常都被市民炮轟了，
因為公務員的腦殘度跟官階是成正比的.......

------------------------------------------------------------------------------------------

為免某些腦殘的人仕見到呢篇blog，
不知會做出甚麼低能的行動，
故在此補充一句：

以上言論，只是我從其他地方copy & paste的～

分享一張簡簡單單的圖～

今次為大家分享呢張圖，其實好簡單，
因為只係需要執背景，主體基本上完全唔駛執，
最麻煩的地方只是將上下兩張圖駁起來而已，
所以都費事多講了，自己睇圖吧～

這就是原圖......

聖鬥士星矢LC冥王神話

最近發表了聖鬥士星矢前傳故事的LC冥王神話動畫化的消息，
小弟工作的公司當然會第一時間介紹，可是現時公佈的圖片有限，
所以一些踩晒字的圖都要照用，結果當然又是要辛辛苦苦的執圖吧......

今次跟大家分享一下天馬的執圖過程......

首先，按照僅僅看到的部份，
斷估無痛苦，求其用噴筆畫些類似的顏色上去。

之後將那些一撻撻的顏色捽得自然一點。

然後修正一下細微的部份。

接下來，畫些黑線圍邊，左半身就完成了，
之後就輪到比較麻煩的右半身，先按照在半透明黃色字下，
僅僅看到的部份，用黑線畫出大概外型。

接下來就是按照自己估計來上色。

陰影及光暗位，完全自己創作......

另外兩個角色也大概是如此處理，
不過，由於主角是天馬，所以天馬執得比較仔細，
而另外兩個角色則執得比較求其。

最後當然就是退地吧，完成！

另一張黑白色的簡介，呢張都要執......

天馬

雅典娜

冥王

聖衣箱

天馬座青銅聖衣

 

 

謝安琪 與 Lipton紅茶

近在香港樂壇火速上位的謝安琪(Kay)，
在剛過去的多個頒發典禮中，連奪多個大獎。

而且Kay除了在本地的四大頒獎禮獲得佳績之外，
早前更在《2008 CASH金帆音樂獎》中獲「最佳女歌手演繹」獎。

在現今競爭激烈的樂壇，能夠成功上位，固然是一件好事，
但相對地，Kay亦比其他人承受更大的壓力。

可是，謝安琪給人的感覺，永遠都是簡樸自然，
散發無限正能量，到底Kay有何方法令自己身心放鬆呢？

原來Kay能時常保持心景平和，精神煥發，
並非靠甚麼高級的享受，而是全賴一杯紅茶。

Kay一向有喝紅茶的習慣，紅茶內的天然茶胺酸，
有放鬆心情，保持頭腦清醒的功能，讓腦筋更清晰，
增強創作思路，怪不得Kay能創作出那樣出色的歌曲。

Kay：「人應該活在身心平衡中，保持自然，誠實真摰的態度，
不造作，接受和發放正能量，好好享受生活，這就是我的喝茶之道。」

Kay的喝茶及生活態度，令她獲著名紅茶品牌Lipton垂青，
出任最新的Lipton紅茶平面廣告之主角。

在廣告中，Kay以多個不同形象，
演繹紅茶如何為她的工作及生活打氣，
令她放鬆精神，時刻保持精神煥發，刺激其創作思路。

廣告拍攝當日，化妝師及攝影師均忙於為Kay不同的形象變身，
而Kay亦非常專業坐定定不敢隨意走動，好好歎口紅茶，真是寓工作於娛樂呢～

Kay：「我現正積極籌備09年五月舉行的演唱會，
Lipton紅茶將會是我未來的工作良伴呢～」

 

 

今日睇左澳大利亞～

好耐無寫blog，因為除了工作關係外，
近排實在太多東西要做了，例如玩育成足球、玩PS0、睇幪面超人Kiva～

不過今日有朋友約我睇《澳大利亞》，雖然之前無睇過介紹，
完全唔知呢套野講乜，不過既然佢想睇，咁就陪佢睇啦～

這部電影由《情陷紅磨坊》大導演巴茲雷曼所執導，
並由妮歌潔曼、曉治積曼、拜恩伯肯等多位出身澳洲的著名演員主演。

故事發生於第二次世界大戰時期，
英國貴族名媛Sarah Ashley(妮歌潔曼)，遠赴澳大利亞牧場尋找丈夫，
可是當她到達時，其丈夫卻在當地遇害身亡。

為了繼承亡夫遺志，Sarah僱用一名牧牛工人(曉治積曼)，
連同牧場僅有的數人，拉雜成軍，帶領1,500頭牛穿州過省，
到城市爭取軍隊的牛肉供應權。

一開始因為一些瑣事而意見不合的兩人，
在「趕牛歷險」中，經歷了多番波折，開始互生情愫。

最後，兩人成功擊敗兢爭對手，
並且使本來荒廢不堪的牧場興盛起來。

除了男女主角外，故事中尚有一名舉足輕重的角色，
他是一名黑人和白人的混血兒童，受到所有人的排斥，
然而女主角卻對他視如己出，愛護有加。

後來，二戰的戰況逐漸波及澳大利亞，
澳大利亞更成為了日本皇軍的攻擊目標......

而兩名主角也在此時因為一些意見不合而吵架，
男主角更被女主角趕走......

最後，澳大利亞受日軍轟炸，男女主角及混血小孩各散東西，
大家都不知對方的生死，於是拚命在戰場上找尋對方，結果...........

Trailer

片長165分鐘，很長很長，不過真係幾好睇，
悶場不多，而且當中的風景十分漂亮，絕對值得一看～

官方網頁：http://www.australiamovie.com/