今日的大匯演，跟以往的相比，今次真是搞得好差......
首先，今次個台真係好差，主舞台居然唔係放中間，
又唔係第一次搞，之前搞過兩次都無問題，
都唔知今次主辦單位發乜野神經........
仲有，阿叻成日搶野講......
劉璇講野，搶！
朱凱婷講野，搶！
汪阿姐講野，照搶！
而且劉璇有時講完普通話，叫佢翻譯，
佢一係唔譯，一係就譯錯.......
運動員出場時，同項目的唔係全隊出晒，總會漏一兩個，
之後要台上的運動員主動提出叫埋台下的隊友上台。
最離譜的是，據說大會扣起一半門票不作發售，
令很多想入場的人都買唔到飛，但現場所見，勁多空位！
一句到尾，今次搞得好差！
奧運完結只係一星期，就要運動員出來應酬，
以前都唔會咁急，都唔明點解今次搞得咁急，
籌備時間不足，令四年一次的金牌選手匯演搞到一pad屎咁.....
最慘的都是運動員，呢兩日由朝踩到晚，仲慘過返工......
p.s.
全晚唯一令我感到主辦單位做得好的地方，就是請來劉璇做司儀.......
沒有留言:
張貼留言