向北京出發！五日後見！

祝我旅途愉快吧！

爛玩的寶寶～

寶寶來到我家已有一段日子了，
最近佢越來越大膽，也越來越爛玩呢！

佢經常在家中跑來跑去，而且跑得好快呀！
仲要跳高跳低，跳上檯搞搞震，搞到我地都好頭痕......

大家睇下佢幾爛玩......

佢初初好怕包包，但而家爛玩到連包包條尾都玩，
搞到包包都怕左佢，有時包包見到佢都即刻走......

不過佢玩一陣就要訓覺，睇下佢訓覺的樣子幾咁cute～

 

蠢蠢蠢蠢蠢！

剛剛在某forum打了一大篇野，
打左足足兩粒幾鐘，臨發表前唔小心delete晒！

頂！無晒mood，訓覺........

其名為「地獄死死子」

呢個角色，其實早於半年多前已經開始設計，
基本上，缺少其中一隻眼，是從一開始已決定的特徵。
髮型方面，也是一早決定用短髮。

至於她的名字，以「地獄」作為姓氏，同樣是一開始已決定了，
但名字是一個頗頭痕的決定，最初只打算用一些很普遍的名字，
例如美婷、思敏、凱怡....... (這些都是我一些舊同事的名字.......)

最後，決定用一個日本feel的名字－－「地獄Ｘ子」，
但「Ｘ」用哪一個字，卻令我十分頭痛，
想來想去，還是直接一點，用「死」字，
可是「地獄死子」又好像不夠可愛，
此時我突然想到漫畫《幽遊白書》其中一個角色，
叫做「死死若丸」，所以借用一下這個Idea，
便成為「地獄死死子」了～

另一個麻煩的地方，就是用Q版還是正版，
最後決定用一個半Q半正的版本......

不過，一切都係等我真係畫到個故事出來再講啦......

 

(以下是一些死死子的舊設定～)
------------------------------------------------------------------------------------------

 

 

 

Monster Hunter Wallpapers分享～

最近出了一本名為《MONSTER HUNTER CG ARTWORKS》的畫集，
內裡收錄了大量以往在不同媒體上出現的Monster Hunter圖片，
而且價錢不貴，十分值得買來收藏。

大量的圖片，當然是製作Wallpaper的絕佳素材吧！
所以我Scan了一些圖來製作Wallpaper，今次先分享其中兩張，
是我拆下了書套後，Scan了畫集的封面來製作，十分簡單。

彩色版：
1600 x 1200
1280 x 960
1024 x 768
800 x 600

黑白版：
1600 x 1200
1200 x 960
1024 x 768
800 x 600

 

 

Restaurant City @ Facebook

近期在facebook大熱的flash game《Restaurant City》，
大家有沒有玩呢？我本人就有玩，不過玩得好慢。

呢個就係我個角色喇，係唔係好可愛呢？

暫時我間餐廳個裝修就係咁......

人氣度最高係50.0，而我剛剛都成功到達呢個數值喇～
( 我而家LV13，聽說有人LV8已經做到了...... orz )

 

鍊成！鋼之鍊金術師ＦＡ！

最新的鋼之鍊金術師動畫，剛於兩星期前，緊接GUNDAM OO，
在日本正式播映，今次動畫版，在作品名稱後加上FA二字，
以便不會混淆前作，據說今次作品將會跟足原著漫畫版，
務求令fans們滿意，大家即管睇下點啦～

呢張圖，其實真係好簡單，所以都費事多介紹喇......

 

 

 

恐怖！驚現！人面魚！

不知大家對於這隻「怪物」有沒有甚麼印象？

SEGA在1999年7月，於Dreamcast上推出了這一隻名為Seaman的育成遊戲，
當中的主角，就是一隻名為Seaman的人面魚........

近日，到朋友家中時，在他家中養了一缸魚。

這條魚很大條，而且外表十分奇怪。

看真一點，簡直就跟Seaman如出一徹！

恐怖！實在太恐怖了！

不知是否近朱者赤，倘在缸邊的清道夫，也是長得怪怪的......

 

出街？好驚驚呀～

包包有兩樣最怕的東西，第一是剪指甲，第二是去街。
甚麼？去街都怕？對，就是去街都怕。

每次佢見到呢個紅色袋，佢就知道將會帶佢出街，
於是驚到周圍走，幾經辛苦先捉到佢入袋......

大家睇下佢，叫聲幾咁凄厲，幾咁可憐～
無辦法啦，鬼叫佢係時候要打針咩。

至於寶寶順便去做身體檢查，
由於未買一個適合寶寶size的袋，
所以求其搵個布袋頂住檔......

但寶寶成日想走出來呀！
大家留意布袋的開口，見到寶寶個鼻鼻嗎？

 

0405 草蜢忘我演唱會 (完)

終於來到最後一篇了，
是時侯說說自己的感想：

老實說，今次是我第一次看草蜢的演唱會。
而且本身並不是草蜢的fans，本來以為會有好多歌都唔識的，
可是，我發現原來有很多草蜢的歌，雖然我唔知叫乜名，
但我好多都可以哼出旋律，甚至識唱幾句Corus！

而且他們真的演出得十分好，
全程唔覺有任何悶場，之前就算睇張學友、郭富城，
偶然都會有一些廁所時間，但今次真係完全無！

總括而言，今次演唱會真係Perfect！
下次再有草蜢演唱會，一定要再次捧場呀！

說回相片，阿傑個表情做乜咁尷尬？
原來佢同觀眾握手時，唔知邊個伸隻手臂埋去，被佢唔小心咬左一啖～

唱得七七八八，演唱會也過了八八九九了........

是時侯鳴謝了.......

多謝林珊珊、多謝商台、多謝麥當奴........ etc.

「仲要多謝埋全場幾萬個十分Pro的和音和Dancers，亦即係你地！」

接下來唱了幾首慢歌。

唱《人愛世人》時，全場幾萬人跟自己旁邊的人，
不論認識或不認識，大家都手牽手擺動～

阿智唱得high high地，忍唔住除衫。

本來以為另外兩位都會一齊除，可是卻沒有......

「演唱會到尾聲喇！再一次多謝大家今晚來臨！」

「多謝！」

然後，三子便離場了.......

全場人不斷叫Encore～
(雖然知道一定會有Encore，不過例牌都要叫幾聲......)

Encore！三子再次出場！

今次三子真的除衫晒肌肉喇！
(聽說佢地有某幾場無除衫，我朋友話佢睇果場無除衫，
不過我覺得唔會卦，應該係佢未等到Encore就已經走左........)

Encore唱了一首歌，今次真係拜拜喇～

 

------------------------------------------------------------------------------------------------------------------------
(完)