我一直都認為「好人無好報」，
事實上的確如此......
呢兩日，在日班和夜班，
都先後因為枉作好人，而令自己受氣.......
日班有一個師奶一向都傻傻地，人稱「食鬼」，
行路行得超慢，有時行行下仲會轉來轉去，
簡直是嚴重阻礙公司的通道。
而更離譜的是，每次有男同事行過佢身邊，
佢都會破口大罵：「咁多地方唔行，係要行埋來，信唔信我告你非禮！」
妳無病呀？衰Ｄ講句，
全公司咁多後生女，邊個得閒非禮妳?
今日，我在公司內，
見到「食鬼」想入公司門口，
由於要進入，先要入password，
所以我行過順手幫佢開一開門。
點知一開門，佢就即刻彈開，
然後話：「我睇死你係咁架喇！」
乜呀？妳唔係想話，睇死我見妳入來，
於是特登行出去，承機非禮妳嘛？
我當聽唔到，就咁頂住度門，等佢行入來，
點知佢話：「唔駛你，我自己識開門！」
他媽的，去死啦你！
於是我立即閂埋度門！
夜班時，那個廢柴渣滓的屎蟲主編，
一向對於封面選材都極之無sense。
近日公佈了Wii版推出SD GUNDAM G Generation新作，
新加入Gundam Seed Stargazer系列，以及Gundam OO系列，
照道理，封面無可能唔用呢兩個作品的機體。
誰知，千挑萬選，佢竟然選了Master Gundam做封面.......
你有無病呀？唔識Gundam就問啦！
公司大把Gundam fans，你好揀唔揀，
揀隻舊作品的機體，而且仲唔係主角機？
於是我向屎蟲推薦用Gundam Stargazer及Gundam Exia，
而且仲分析俾佢聽點解要用呢兩部機，
但得出來的答案，竟然係繼續用Master Gundam，
問佢點解一定要用，佢就只係話：「總之我有我既理由啦！」
你估我唔知你條屎蟲，梗係之前向老闆推薦用Master Gundam，
如果突然換其他圖，驚老闆會責怪啦！
正一廢物！
但更離譜的是，佢竟然向老闆投訴，
話我對佢態度唔好，句句窒住晒！
我頂你個肺！
OK，我理得你死，
你以後封面放舊屎上去，
跌書跌到仆街，我都費事出聲喇！
總之，以後都係唔好做好人喇.........
沒有留言:
張貼留言