2010年的香港書展終於在昨天(2010年7月28日)曲終人散，
今年我只在星期日(2010年7月25日)到場參觀。
其實我本來都沒有打算去書展，因為去年書展買了的書，
到現在都沒有時間睇，所以本來都唔打算再買新書，
可是，上星期五叫我細妹睇下有無Ｅ記的簽名籌，
諗住有就去，無就唔去，點知又有喎～
結果星期日下午12:00，我便到書展參加Ｅ記的簽名會。
Ｅ記的人氣極高，簽名區都唔夠位企，
要在外面另加幾個圍欄讓人排隊呢！
簽名會後，姑且入場參觀一下吧！
今年跟以往相比，通道好像闊了一點，
而且場內增加了不少食店，方便大家行到肚餓可以食少少野～
一眾大型出版商，一如以往的佔據著當眼位置。
除了大眾、天地等大型書商外，
今年售賣本地書也外的書商，都佔有一定的位置，
例如以英文書為主的PageOne及大陸書的榆林書店。
講到其中一個最具話題性的出版商，
當然是擁有大量o靚模寫真集的「紅出版」吧！
攤位內有一個3D電視讓大家試睇周秀娜的3D短片，
我試看了一會，覺得效果不錯呢～
想不到當今大熱的周秀娜，簽名籌竟然未派晒，
既然如此，就姑且買一隻DVD吧，反正又唔係貴，
至於Monsterbeez寫真就本身都想買，點解想買？
我就係鐘意佢地夠另類，如果純粹睇水著寫真，
我不如睇日本女優仲正得多啦！
下午五時左右，到圓方出版社，
準備參加吳日言的簽名會，本來預算呢個係我今日最後一站，
但因為剛才拿了周秀娜、Monsterbeez及馮曦妤的簽名籌，
所以而家呢度只係我今日行程的中途站.........
吳日言十分可愛，而且還十分有心，
自掏腰包買一些蛋糕請在場的fans食～
之後輪到馮曦妤的簽名會，她也十分可愛及友善，
見到我舉機拍照，即望著鏡頭親切的微笑及揮手～
馮曦妤簽名的同時，旁邊是杜如風的簽名會。
接下來便到金紫荊廣場參加o靚模的簽名會，
途中見到一個勁似馬國明的人站在街邊吸煙～
不過據一些馬國明的fans說，當日馬國明正在電視城拍劇呢！
o靚模魅力沒法擋！以周秀娜為首的十三名o靚模，
吸引了大量男女老幼在旁圍觀及拍照。
左邊的小姐... 正被多隻咸豬手抽水？
排隊簽名的人眾多，圍觀的人更多......
簽名會開始之時仍是陽光普照，
簽完之後已經入黑了.......
因為臨時收到order，所以要再次入場幫人買野，
途中見到商台DJ余迪偉在攤位舉行他的新書簽名會。
也見到迪偉的節目拍擋阿Bu在場跟fans們拍照。
這個可愛的公仔，有不少人跟他合照呢！
不過我忘了他是屬於哪一間出版商了......
這就是我在書展的收獲了，不過有部份只是幫人買的呀～
沒有留言:
張貼留言