最近，麥當勞推出了一些新優惠，
每日都有不同的特價食品～
早幾日(8月21日)的優惠是焦糖新地買一送一，
從小時候開始，我就已經相當喜歡焦糖新地了，
可惜後來不知為何，麥當勞的基本餐單刪除了焦糖新地，
之後只會不定期作出推廣，令我不能隨時吃到......
難得有這個優惠，我當然要好好支持一下吧！
因此，當日我的午餐就點了四杯焦糖新地來吃～
短短十分鐘，我已經吃完四杯新地，實在非常滿足！
(回到公司後，有同事買了兩杯回來，又請我食一杯～)
當我把這件事在Facebook分享後，
收到的留言大部份都是覺得不可思議的樣子：
「玩命?」
「點食四杯呀？有無食包？」
「會唔會搞肚架…」
「點食五杯！你好堅！」
其實我平時都可以食好多雪糕，
所以區區四杯對我來說簡直輕而易舉～
例如早前在日本旅行，
其中一天整日都只是吃雪糕/甜品，
半粒飯都沒有吃過～
去食自助餐時，有雪糕的話，
我最高紀錄試過吃了二十多個雪糕球！
在家中睇電視時，
一邊睇一邊吃Dreyers雪糕，
通常一節(15分鐘)都還未播完，
我已經可以把一整盒家庭裝雪糕吃完～
其實我一直都沒有刻意計過自己吃雪糕的速度，
昨天放工回家，家中沒其他人，正好做一個實驗......
先下載最新一集劇集「初森BEMARS」，
然後準備一盒Dreyers雪糕，一邊看一邊吃......
開始！
很快就已經吃了一半，先暫停劇集，
拿過來看看時間，拍拍照片，
原來只是過了大約四分鐘......
已經見到底部了，又拍幅照片，
原來還只是用了六分鐘......
不過底部的雪糕好硬，吃起來越來越困難......
吃完！
扣除拍照的時間，
其實不用九分鐘就已經吃完了～
真簡單呢～
順帶一提，我早已習慣了吃這麼多雪糕，
所以我吃完都不會肚痛的，大家可以放心啊～ XD
我都食到4杯XD
回覆刪除家庭裝雪糕我都得, 以前成日咁做,
不過9分鐘又快左d, 我一路食一路睇戲, 半個鍾倒掛～
Yeah～ 總算有個知音人～ ＼( ^ o ^ )／
刪除以後有雪糕放題之類的優惠，似乎可以搵妳一齊食～
量已經唔係重點..食咁快,牙同頭唔會痛先係問題OTZ
回覆刪除我食刨冰都唔會有呢D問題，何況區區雪糕？XDDDDD
刪除終於知道你之前說的甜點當正餐吃是啥意思了，好厲害呀 XDDDDDD
回覆刪除我還試過早餐食雪糕，反正都是奶類製品，應該跟喝鮮奶差不多吧～ XD
刪除食凍野太快有時眼痛T_T
回覆刪除頭痛和牙痛就聽得多，眼痛倒是第一次聽見啊！@ @
刪除好強，我真係唔敢挑戰。。。怕肚痛!!!
回覆刪除試下啦，你食十個漢堡包都無問題，區區一桶雪糕又豈會難倒你？
刪除九分鐘太快了XDD
回覆刪除我平時食一個星期都未食曬
嘛，一路睇劇一路食座=應該會快D的，大約九個字才會食完(應該)
食足九個字的話，最後應該溶化到可以當奶昔來飲～ XD
刪除我覺得溶了的雪糕不好吃，所以儘量會在溶化之前全部吃完.......
我也試過哦！
回覆刪除我去牛一食放題，
大家都說我食太多雪糕呀！
如果和你一起食應該十分正常XDDDD
Dreyers雪糕家庭裝，我也可以一次過食曬，
不過，肚痛倒是沒有~~只是怕肥~~而不會經常這樣做。
所以我十分羨慕你啦！
牛一那些應該是乳酪，不是雪糕啊！
刪除不過對我來說沒多大分別，我一樣會食好多～XD
跟以前相比，其實我已經肥了很多，所以不用羨慕我......
牛一有雪糕和乳酪的，
刪除分兩種。
雪糕的較杰身和CREAMY.
咁可能我記錯日牛，唔係牛一～ XDDDD
刪除5杯雪糕和10個漢堡飽
回覆刪除我們團內真是臥虎藏龍...XDD
10個漢堡包比較厲害呀！
刪除雪糕溶了都只不過是液體，
但10個包吸了水卻會越來越脹，
我自問真的吃不下這麼多......