神秘人聽到小旋風的說話後十分不滿：
「機械人唔係被你命令，你要學懂如何去配合機械人！」
說罷，神秘人便拂袖而去，留下小旋風獨個兒在碎碎唸......
過了不久，村長召見小旋風及小豆丁，詢問他們是否真的決定拆伙。
雙方甫一見面，初則口角繼而動武。村長見狀，決定接受他們的拆伙，
並打算稍後另選新的小孖俠，負責保衛卡通村。
鏡頭一轉，來到魔法少女世界，
只見小忌廉一臉怒氣：「邊個偷左我對砵仔糕？！」
此時，小豆丁慢條斯理的走來，並手執一個吃了一半的砵仔糕......
原來小忌廉一向都用砵仔糕作胸墊，用來加厚胸部。
小忌廉：「妳..... 妳食左我個砵仔糕！」
小豆丁：「下？砵仔糕咁甜，唔驚個胸被蟻咬？」
眾人：「係喎，被蟻咬腫左，就直頭唔駛用墊啦！」
小忌廉：「咁一陣等我捉幾隻蟻先，捉幾個隻好呢？兩隻？」
眾人：「兩隻？夠唔夠呀？」
小忌廉：「係喎！兩隻唔夠，捉夠六隻！」
眾人：「六隻？妳估妳係乳牛咩？嘩哈哈哈哈哈哈！」
小忌廉一臉尷尬，惱羞成怒的大喝：「咁不如捉兩條蛇啦！」
眾人立即鴉雀無聲............
此時，大家發現小賓女忙於整理她的新衣服。
眾人：「咁少布，妳唔驚走光？」
小賓女：「我就係想走光！令好朋友日的時候，全部男生都注意我！」
突然，村長向魔法少女發出指令：
「探測到有來自未來的怪獸出現，請魔法少女幫忙對付牠！」
可是，魔法少女們全都愛理不理，並用藉口推掉了村長的命令。
小豆丁內心感到有點忐忑不安....... 然而，下定決心跟小旋風拆伙的小豆丁，
決定不再理會甚麼保衛卡通村，專心融入魔法少女的生活。
小賓女：「我從來都未拍過拖架～ 小豆丁，妳呢？」
小豆丁：「我？三次......」
眾人大驚：「三次！？！？」
小豆丁：「唔係...... 其實應該係七次........」
眾人更驚：「七次！？！？！？！妳可唔可以教我地點樣識男仔呀？」
小豆丁一臉得意：「好啦～」
另一邊廂，機動部隊同樣接到村長的命令，
卻同樣以藉口推掉了村長，令小旋風感到有點不滿......
入夜，小旋風跟真嗣互訴心事。
真嗣：「我好失敗呀！拍過好多次拖，次次都被人飛。」
小旋風：「我都唔係好你好多咋！我之前都試過被好多女仔飛。」
真嗣：「原來我地都係同病相憐......」
小旋風：「一個人最緊要有信心，無信心同舊叉燒有乜分別？總之你要信自己！」
真嗣：「我本來唔係好明你講乜，但講到叉燒我又好似明明地。」
其後，談到小旋風仍未掌握跟機械人的同步率一事......
真嗣：「一個人最緊要有信心，無信心同舊叉燒有乜分別？總之你要信自己！」
小旋風：「我本來唔係好明你講乜，但講到叉燒我又...... 咦！你做乜跟我講野？」
終於到了新小孖俠的選拔當日。
各式各樣，男男女女的卡通人物都聚集在一起。
各人都在村長及小旋風面前，盡展渾身解數！
最後，由多拉Ａ夢及戴志偉勝出！
可是，小豆丁此時卻突然踩場，並說不認同選拔的結果！
並且帶同其他的魔法少女到場壯聲威！
小旋風及小豆丁，兩人針鋒相對，毫不退讓。
而村長卻全不插咀，只是自顧自的調戲其他少女......
完全沒有插手阻止兩人的意圖.......
最後更左擁右抱的攬女，享盡齊人之福.......
-----------------------------------------------------------------------------------------------------------------------
(待續)
沒有留言:
張貼留言