恭賀周永恆、趙頌茹大婚之囍！

今年圈中頭炮喜訊！現年25歲的音樂創作人周永恒(Roy)，
與現年27歲，在黎明的Amusic擔任形象統籌的趙頌茹(Yu)，
終於有情人終成眷屬，在今日(2010年1月28日)結束六年愛情長跑，
於葵芳的教堂註冊結婚！

記者發現，兩人早已在去年12月8日已遞表登記結婚。
當記者問到是否奉子成婚時，Roy說：「肯定唔係啦，
只係我地想快D結婚，因為我地係基督徒，唔想犯十誡，
做基督徒唔可以同居，又唔可以婚前性行為，我地都乖、
好保守，唔想犯誡，所以想快D結婚，今次係雙方o既協定。」

兩人今日到律師樓註冊，然後行禮，至於擺酒方面，
因為他們是基督徒，所以希望在復活節前後舉行，
並且一切從簡。談到如何求婚時，Roy說：
「買定戒指同花喺海邊向佢求婚，同佢講我愛你，
佢不知幾感動，一次就成功！」Roy又表示Yu十分喜歡馬爾代夫，
所以在這度假勝地度蜜月。

(On.CC網上圖片)

記者在日前致電兩人，Yu表示婚前兩人仍要忙工作，
她幫Janice Man試衫，而Roy則仍然忙著要開會：
「今日至抽到半個鐘陪佢買西裝同領呔註冊果日著，
而我會著一條白色裙行禮。」其後，兩人去Uniqlo睇西裝，
身為形象統籌的Yu，火速為Roy揀了件黑色西裝襯粉紅間條領帶，
還幫他拎埋戰利品，十分體貼。之後，Yu因趕開工打的離去，
慳家的Roy就等巴士，沿途見有人募捐亦慷慨解囊，
既慳家又有愛心，難怪Yu肯嫁給他了。

對於被問到將來有何打算時，
Roy向記者透露Yu計劃修讀神學，而他自己則有意做福音歌手，
曾涉毒案的他更已洗心革面，向阿叔周啟生認錯。

 

--------------------------------------------------------------------------

雖然兩人都不是大紅大紫的歌手，
但當年Yu的一首非主打歌《柚子》，
直至現在仍然是我最喜愛的本地流行曲之一，
本來想在此放它的MV出來跟大家分享一下，
可惜連Youtube都找不到這首歌的MV......
有興趣的話，自己去各大Karaoke點來聽聽吧～