隨意踐踏別人的興趣，是最下等的！

一般高達fans也知道，高達系列中的Turn A Gundam，
機械設定是由外國人負責，風格與其他作品分別很大，
不被大部份人所接受。

即使是我，也只可以說我接受Turn A的設計，
而不會說我覺得Turn A好型！

不過我就是喜歡Turn A Gundam。

喜歡的是它的故事，喜歡他的與別不同，
在網上的討論區，很多看過Turn A Gundam的人，
都有著和我相若的感覺。

今日，和同事們談起高達，
大家不約而同的講起自己喜歡那一套，
我當然說我最喜歡的是Turn A Gundam和0080吧～

但Ａ同事聞言，居然想也不想便爆出一句：
「最憎Turn A！」

我當然反問他有沒有看過Turn A Gundam啦～

「梗係無啦，呢隻野見到都唔想睇！」Ａ同事說。
而同事Ｂ也認同同事Ａ的見解。

「睇Turn A唔係睇機設，係睇故事架！」
這是我的見解，畢竟如果論機設，
絕對可以找到千千萬萬套比Turn A Gundam好的作品。

「想睇好故事，就唔會睇高達啦！」
「咪係，呢部野簡直係垃圾，垃圾機設，故事都肯定係垃圾。」
Ａ同Ｂ兩人一唱一和。

真係令我越聽越扯火！為何高達作品不可以有好故事？
為何要把機設和故事掛勾？莫非樣衰的人，唱歌不可以動聽的嗎？

「睇Turn A的人都係智商低過60架喇。」
「總之我就一定唔會睇Turn A。」
「故事幾好睇都無用，總之機設唔好就係垃圾。」

我想爆發，我想打人，我想殺人！
我沒有要求你們跟我一樣喜歡Turn A，
我只求你們不要再侮辱我的喜好。

在自己從未嘗試去理解別人的興趣，
便毫無根據的隨意去侮辱，這種人真的十分低等！

我忍你們！

其實換個角度想，
這種膚淺的俗人儘管繼續膚淺下去吧！
最後，你們只會一再錯失值得欣賞的事物，
到頭來，損失的是你們自己。