2008年3月26日 星期三

0323李卓庭Eunix旺角中心活動(下)


第三個遊戲!Keroro軍曹問答遊戲!開始!



開始前,先擺個勝利宣言的姿勢!
因為我地係勝券在握,絕無不勝之理!



我:「其實我無乜睇過Keroro,一陣靠晒你。」
Eunix:「放心啦!你同我定!」



比賽開始,問題係『邊個同邊個打低邊個同邊個?』


我:「妳又話識?!?!」
Eunix:「死喇,突然間唔記得晒。」



好啦,唯有儘力而為,大家認真一點!



我:「好似係A。」
Eunix:「唔係喎,好似係B。」
我:「咁不如答C啦。」
Eunix:「好啦,一於咁話。」



嘩哈哈哈哈哈哈哈哈哈~
咁都被我地撞中!



七比二,大獲全勝!
(看看旁邊落敗後,黯然的關楚耀~)



之後Eunix接受訪問,要用國語呀!



頭先好開心可以大比數勝出。(設計對白)



可惜之前輸了兩局。(設計對白)



下次一定要連贏三局,炒佢Perfect!(設計對白)



之後輪到關楚耀做訪問,同樣係要用國語呀~



頭先第三局慘敗,唉,唔好再提喇......(設計對白)



做完一個訪問,又要做另一個訪問。



終於完Show喇!打個電話約人去街先~



目的地,新世紀廣場!



最後,到達新世紀廣場,
Anthony在離開前,交代下星期的活動詳情。
(做乜嗡口嗡鼻?下星期的工作好辛苦嗎?)



好啦!我走先喇,多謝大家支持!Byebye~


之後,大家就各自離開喇~


 


 


 


〔後記〕


當我坐巴士回家時,把剛才勝出的獎品拿出來看看。


不是吧?顏...... 顏色筆?!?!?!


對於我呢個每天都要用photoshop來工作的人,
顏色筆於我又有何用呢?


 


 


p.s. 特別鳴謝,Billy兄提供部份照片。


 


0323李卓庭Eunix旺角中心活動(上)


三月廿三日,下午三時至四時,
在旺角中心有一個關於Keroro軍曹和復活節的活動,
出席的嘉賓除了卓庭妹妹外,還有她的緋聞男友關楚耀。


當日我三時左右到場,只見Billy兄已在場霸定靚位等影相,
未幾,Eunix和Anthony到場,只見Billy兄指住我說:「Anthony!佢啦!」


下?乜事呀?我完全一頭霧水。


只見Anthony和場記交待了幾句,
場記就叫我跟佢入去後台,等一陣上台『玩遊戲』!


玩遊戲?!?!?!?!?!
OH MY GOD?!?!?!?!?!?!?!?!?!?



不過,當我發覺在後台時,只有我和Eunix吹水,
無其他人阻住時(Anthony去處理其他事),就覺得乜都無所謂喇~XDDDD



可惜吹吹下水,有電話搵佢........ >_<



之後關楚耀到場,於是兩位緋聞情侶就和一大班工作人員入房開個小會議。
(其實所謂的房,只是一部停了的電梯)



看看Eunix多可愛~ (迷之聲:喂!一陣出場要咁樣企呀!妳有無聽呀李卓庭!)



出場了,除了Eunix之外,當然還有Keroro和Giroro啦!
辛苦晒兩位負責Cosplay的阿姐喇~



原來明天是關楚耀生日,大會安排了一個PSP蛋糕為他慶祝。



當關楚耀在台上接受粉絲的祝福時,Eunix就找機會走到後台和Anthony吹水。



吹呀吹~



大佬,你唔係想食晒成個蛋糕先肯返入後台嘛!(設計對白)



好喇!開始玩遊戲,第一個遊戲「傳送復活蛋」,
睇唔清楚嗎?無辦法啦,我都睇唔到。



玩完第一個遊戲,Eunix在台上和主持人吹吹水。



吹呀吹~



吹完水就唱歌,當然又係全城熱播中的『失眠幻想曲』。



Eunix在台上唱歌,關楚耀在後台憨居居。



我同關楚耀在後台你眼望我眼。唉,佢假假地都係歌手,
姑且問佢影唔影相,費事好似唔俾面佢.......


點知佢竟然話想影合照....... =_=


好啦好啦,合照就合照啦.......



第二個遊戲,餵粉絲食朱古力,叫佢地估下有乜野味。



食呀食呀食呀~



係咁食朱古力,肥死喇。



結果,Eunix連續兩個遊戲都輸比關楚耀。


之後就輪到關楚耀唱歌,而唱完之後,
就係我有份玩的第三個遊戲了!


想知我能否為Eunix扳回一局,請看下回分解!


 


 


p.s. 特別鳴謝,Billy兄提供部份照片。


 


 


 


 


2008年3月16日 星期日

最愛!麥當奴熱香餅~


從來都十分喜歡食麥當奴,
試過每天食足三餐都無問題。
早前有coupon派發,更加食足一個月,
平均每日食兩餐,仍然面不改容~


外國那套甚麼「不瘦降之迷」,
看來已可以被我推翻了,因為我食極都仲係咁瘦。


云云麥記食品當中,最喜歡的始終是熱香餅。
但我發覺人人食熱香餅都有不同的方法,不知你又會怎樣食呢?


由於麥樂會有優惠送薯餅,所以沒有薯餅的熱香餅餐,就正正是最好的組合!


先食完薯餅,就可以開始享受我的至愛--熱香餅了~



我喜歡先把兩片牛油夾在三塊熱香餅之間,
不作任何塗抹,任由牛油被熱香餅的熱力慢慢溶化。



等待期間,可以先吃豬柳,我喜歡把它切成四等份,逐一品嘗。



食完豬柳,牛油已溶得七七八八了,
於是我便把三塊熱香餅一齊切成細細粒。



在食物盤的另一半,灑上香濃的糖漿。



之後就用叉,把一小片的熱香餅沾上一點糖漿,
然後就放在口中細嚼,感受一下它的香味。


由於牛油只是放在中間溶化,邊緣位置是沒有牛油的,
所以熱香餅本身已分成『牛油味』和『原味』兩種味道,
再加上『沾上糖漿』和『沒有沾上糖漿』兩種後期的變化,
使簡單的一份熱香餅,就已經有四種不同的口感輪流在口中徘徊。



我不喜歡享受熱香餅的途中,受到其他的味道影響,
所以這杯香濃的熱朱古力,之前一口都沒有飲過,
留待吃完熱香餅後,才慢慢的品嘗~



食完,真是個很滿足的早晨喲~


 


2008年3月15日 星期六

0309李卓庭Eunix九龍公園商台活動


上星期日,上午十一時在九龍公園有個關於北京奧運的活動,
由於Eunix有份表演,加上星期日我得閒,於是就抽空出來睇睇。


當日天氣好熱,去到之後搵左好耐先搵到場地,
但Eunix都仲未到...... 等了一會,活動開始。


司儀之一是發仔余宜發,另一人忘記了。


活動主要都是宣傳奧運,而觀眾大多是老人家,
和他們玩玩遊戲、送送禮物、致詞、問問題,還有現場演出的18樓C座。


後來Eunix和Anthony到場,今次首次見到她的清爽短髮~
Yeah!!! 短髮的可愛女孩絕對是我的至愛,看來又多一個原因喜歡Eunix了。


等了一會,就輪到她獻唱。
當然,是正在派台的失眠幻想曲吧~ (很好奇,老人家會否對Rock歌感到吃不消。)


由於我無帶相機,所以只可以用手機拍了數張質素極差劣的照片。


後來拜託其中一位Eunix fans,
借用他的相機幫手影一張我和Eunix的合照。
可惜佢到而家都仲未send返比我....... =_=
(這也是為何上星期的東西,要等到現在才寫......)


後來,和Eunix及Anthony吹了一會水,
然後就各自回家了~



場地全景



偷拍後台的Eunix和助手Anthony



演出中的Eunix


更多精彩照片可以去Billy兄的Blog看看:
http://hk.myblog.yahoo.com/eunix-house/article?mid=941