灣仔太源街的鴻興，近日在店門外擺了一個檔口，
將一些賣唔去的死貨以特價促銷，自問一向沒有甚麼抽獎運的我，
見佢平平地，於是求其買幾隻來玩玩。
單是一隻飛越顛峰的500yen盒蛋，市價應該都起碼$30吧，
再加上另外幾隻，市價都應該要$20一隻，現在埋單只是$65而已～
第一隻，竟然係我最喜歡的雙子座撒卡！
基本上我抽中呢隻，這$65已經值回票價了！
第二隻，竟然中埋星矢！
雖然本身對於星矢不是太喜歡，
但好歹也是個主角呀！抽中他都不是容易的事呢！
第三隻，竟然繼星矢之後，再下一城，
中埋戴志偉(大空翼)，天呀！今日發生乜事呀？
最後一隻飛越顛峰，唔通咁好彩，抽中我想要的Damage版Gunbuster？
可是，Damage版Gunbuster中不了，
卻反而中了更加rare的Secret版.......
死喇，今日唔記得買六合彩.......
我諗，整個09年我都不用再抽扭蛋/盒蛋，
因為我相信我的運氣已經在此一次過耗盡了.......
沒有留言:
張貼留言