今日放工，到太古睇左《密探睥死羊》，
其實，入場之前我只係睇過報紙的廣告，
完全無搵過其他資料，所以之前唔係太知套戲講乜。
入場的原因純粹係因為中文戲名異常地吸引我，
好鐘意呢個名，今次的譯名實在罕有地譯得出色！
睇戲名覺得應該係一套充斥大量美式笑話的爛片，
所以入場之前，基本上完全沒有任何期望........
睇完之後，雖然覺得普普通通，不過還是可以一看～
尤其是一直以來演型佬的佐治，今次竟然做傻佬，
而伊雲繼星戰前傳後再次做Jedi武士的角色，
單係呢兩點都要俾面入場睇下啦～
《密探睥死羊》(The Men Who Stare at Goats)改編自同名軍事紀錄書，
由著名紀實作家、紀錄片製作人－－鍾朗臣Jon Ronson的所著，
是令人大開眼界的非小說類暢銷作品。
故事講述約在20年前，美國軍方曾經秘密訓練一批擁有異能的軍人，
據說他們只需要用眼神，便可以用念力，殺死一頭山羊，
並計劃將這訓練成果應用在軍事對抗上。
專門搜刮獨家新聞的記者卜韋頓(伊雲麥葵格 飾)，
因為妻子不忠，憤而走到伊拉克當戰地記者，在偶然機會下，
遇上自稱執行美國軍方神秘任務的琳卡西迪(佐治古尼 飾)，
他指美國政府暗中成立一支特異功能的部隊「新地球兵團」，
而當中的成員被稱為「Jedi武士」，他們全都擁有特異功能，
可以隨時穿牆過壁、讀取敵人的思想，看透天下事的天眼通，
甚至只要用雙眼一睥，就能殺死一頭山羊。
故事一邊講述卜與琳在伊拉克沙漠中的旅程，
另一邊用倒序形式，交待當年「新地球兵團」的成立與解散，
而計劃的指揮官標正哥(謝夫布列治 飾)，更因為某些原因被解雇......
最後，更發展為卜竟然有Jedi武士的血統！
------------------------------------------------------------------------
官方網頁
http://www.themenwhostareatgoatsmovie.com/
明報電影介紹
http://hk.news.yahoo.com/article/100102/4/fxho.html
沒有留言:
張貼留言