最近除了本身有兩份工作之外，友人叫我幫手接一份Design的工作，
他說那份工作只是一些學生的Project，非常簡單，結果......
交功課之後，個阿Sir改完又改、改完又改、改完又改，
痴你個筋！今時今日學生的功課竟然要出動專業的Designer幫手，
而且阿Sir都仍然覺得唔滿意，一時又改顏色，一時要換圖，
次次都只係一些雞毛蒜皮的小改動，完全浪費時間！
某個Blog友話唔見左本Game Next，要我將份稿Send俾佢，
不少人都知道我早前壞電腦，很多稿都沒有了，
所以要花點時間找回來，結果那Blog友看到我留給其他人約交收的聯絡電話，
於是日日打電話來問我幾時俾到佢，而且態度好差：
「幾時回覆我呀！？幾時回覆我呀！？我問你幾時回覆我呀！？」
好在最後搵到份稿，已經send左俾佢，希望佢以後唔好再打電話來啦....... =_=
近排因為收了很多25th的店特回來，不少人都想要，
於是收到大量查詢，本來都沒有甚麼問題，但我去開的Forum不知何故，
最近收到的訊息經常無故消失，結果很多約好了的交收都沒有記下來，
這幾天經常收到一些朋友的電話，話約左我今日交收，問我幾時到.......
我都唔記得自己約左你，點交收呢？
不過有些卻是自己的過失，就好像今晚，本來約了某Blog友交收CD的，
但因為我帶漏了，所以害那位Blog友從粉嶺來到旺角，卻白行一趙，實在非常非常抱歉......
另一件更大的死罪，我記錯了柏木由紀採訪的截止申請日期......
結果遲了一天才回覆採訪的邀請，希望可以通融一下吧.......
稍為說一件開心一點的事，關於乃木坂46的封入生寫，
總共33款，我早已打算全部制霸，如今在我手上的，雖然只有三張，
但有四張之前已Bid了，而有三張將會從大勇兄手上交換回來，
還有今日也Bid了16張回來，即將在我手上的乃木坂封入，
總數達到26張～ 尚欠七張便集齊了～
如果各位抽到以下的成員，而你們又不要的，請讓給我吧～
生田絵梨花 (回收價$180)
生駒里奈 (回收價$180)
白石麻衣 (回收價$240)
市來玲奈 (回收價$80)
永島聖羅 (回收價$40)
西野七瀨 (回收價$90)
松村沙友理 (回收價$150)
此外，我有三張bid了相同，
分別是橋本奈奈未、櫻井玲香、高山一実，
如果想用我欠的來換我這三張也可以啊～
25/02/2012更新
市來玲奈、白石麻衣、永島聖羅、西野七瀨已入手～
另外，櫻井玲香已留給其中一位Blog友～
