0719 妹妹妹妹forum版聚

7月19日，妹妹妹妹forum版聚的大日子，
相信有留意商台消息的朋友，可能都會知道，
wwwinggg只是做到七月尾，便會辭職離開商台，
所以今次應該是最後一次以妹妹妹妹名義的版聚。

搞手十分有心思，每位參加者都會獲發一個非常別緻的心口針。

聚會一時正開始，詠妍在1:35pm左右到場。
她急不及待的把心口針佩帶起來呢～

尚欠Ekee未到，大家暫時只可以「頭岳岳，睇電視」。

1:45pm，承恩駕到！

詠妍做乜苦瓜乾咁樣呀？

今餐實在豐富得不得了！
頭盤是澳大利亞紅蕃茄配法式菜絲沙律，
主菜是頂級日本神戶雪花牛柳串配秘制醬汁，
甜品是上圖的比利時朱古力醬鮮忌廉厚切法式吐司。

可惜，跟一般的高級餐廳一樣，份量只得一點點......

大家簽緊乜？睇落去就知～

接下來就是問問題時間，
第一條問題：「書展簽名會點拎籌呀？」

詠妍：「等我問問先.......」

最好的時光書展簽名會，
簽名籌每日都會派一定數量，
所以大家唔駛驚第一日就派晒～

之前簽的東西，就係呢塊象象紙板喇！
睇下詠妍收到呢件禮物幾開心～

詠妍手上的CD，裡面錄了一些大家給她的說話，
本來想即場播出來，不過可惜播唔到呀～
(照片轉載自奇力兄的facebook)

之後就準備大家十分期待的簽名及影相時間～
(照片轉載自奇力兄的facebook)

詠妍今日好開心呀～
(照片轉載自奇力兄的facebook)

承恩呢排心情唔係幾好，
佢自己都話有可能唔小心對其他人黑面，
希望大家唔好介意。

簽名時間開始！大家都擠埋去兩位身邊，
企得遠的話，基本上無乜機會行到埋去......

呢位瑟縮在陰暗角落的小姐，
就係呢間cafe的負責人。

快將四點，今日的聚會便會完結，但一眾男生還未埋到去呀！

主持人：「你班男人做乜咁耐都唔行埋去呀？逼入去啦！」

逼？點逼呀？前面成班小妹妹，我地幾位男生逼入去？
一陣我地唔小心摸到乜野，邊個負責呀？

終於，埋到去喇～

我沒有帶任何東西兩位簽名，基本上見佢地咁多次，
只有兩次《最好的時光》簽名會有問佢地拎簽名。
(照片轉載自奇力兄的facebook)

最後，影埋呢張大合照，
大家就依依不捨的離開喇～
(照片轉載自奇力兄的facebook)

 

--------------------------------------------------------------------------------
詠妍離開商台，妹妹妹妹已不復再，
咁仲會唔會有下次聚會呢？

主持人次次都話唔會有下次，
但隔幾個月又會有....... 希望今次都係一樣啦......