呃...... 為何不讓我早點看到這篇文章......

最高明概表白方式係在已知對方喜歡你的情況下才表白
因為表白只是把你的心意告訴對方, 但對方通常不會因為你的示愛已喜歡你
對方喜歡你, 通常都是因為她喜歡你, 而不是因為你示了愛
因此, 100%成功的示愛方式, 就是在察覺到對方對你有好感的情況下, 才作出示愛宣言
如果察覺唔到就繼續做朋友, 觀察她對你的言行
... 你可以問佢拿msn或whatsapp
你唔應該太過急去示愛, 因為可能會嚇親人
如果你真係想去示愛既話你可以試下以下開頭:
1) 其實我.......
2) 其實我都留意左你好耐, 我發覺我已經.......
3) 你知唔知呀, 我對你有.......feel
或者講: 我想多d搵你傾計
因為平時好悶, 所以想搵你得閒同我傾計
你講笑咁話: 我地咁好傾唔知起埋一齊會唔會重好傾呢 (要講笑咁問

其實示愛應該直接講, 唔駛怕醜, 比d勇氣, 加油!!!

而你決定表白前請看看以下文章, 三思而後行, 祝君好運!!!
表白,一種普遍聽到既追求異性行為
大多數人都認為,表白係決定命運既最後一步棋
但係有冇諗過,其實唔洗表白都可以呢?
首先講下表白係咩黎先
表白,就係向對方表達愛意, 希望對方接受自己嘅行為
表面就好似好浪漫,但係實際上,其實係將主導權直接讓比對方
由對方決定自己生死!!!
成功, 固然好啦,但係萬一失敗左又點呢?
表白係一種高風險既行動
除非你覺得成唔成功都冇所謂, 咁就冇嘢好講
但用得表白呢招既人, 都係希望成功, 而且諗到將來好浪漫
用玩poker呢個例子黎解釋比夠易明
表白就好似攤開底牌同人玩poker, 輸贏係決定晒係對方既手上
表白成功就係因為你運氣好到冇野好講, 一開始副牌就好過對手
識玩poker既人都知, 就算底牌差,都仲有機會贏
因為仲可以作大, 等對方自動fold牌
但好多人可能覺得表白係最直接既方法, 但係咪真係次次都咁好運?
表白成功只係數字遊戲, 做得多(對住唔同人)咪會有次係掂囉
表白都有分三種
一種係三唔識七, 第二種係普通朋友, 第三種親密朋友
三唔識七同人講我愛你...真係牽強D
對方可能完全冇留意到你, 對你一無所知
就咁心口掛住個勇字, 以為大膽就會掂, 咁樣諗既人真係好無知
但係都會有可能成功, 同之前一樣, 只不過係數字遊戲
朋友關係都比較好
但係, 對方唔係得你一個朋友
所以未必一定會留意到你, 機會只不過係比三唔識七高少少
但係都係靠撞彩, 有勇無謀
親密朋友機會係最大但係都係要睇識唔識得利用呢個優勢
有D人, 不論男或女, 會覺得做親密朋友好D, 可以有個人同自己傾心事
不過 ,最重要都係, 冇果種鍾意嘅感情係度
其實只要花少少心機, 動一動腦, 好容易就會產生呢種感覺
總括黎講, 表白係一個值得忽略既步驟
就算係要表白, 都唔應該將表白當成決定生死嘅程序
應該係有晒萬全準備時先過既最後一關, 又或是相方已經一起時才講都未遲
除此之外, 仲有一個更重要既原因令到"表白"係唔應該做
就係好多時喺向對方表白後, 就算對方對你本來有好感
都會喺表白完一迅間失去咗某種吸引力....................